Një budalla lëshon një gur në lum… dhe njëqind të mençur vrapojnë ta nxjerrin prej aty! Këtë thënie të popullit ma kujtoi sot një kolumnë e Andi Bushatit për Milot Rashicën i cili ka vendosur ta lëshojë Kombëtaren Kuq e Zi dhe të do të luajë për Kombëtaren e Kosovës.

Problemi: Andi Bushati nuk është edhe aq budalla. Sepse budallallëku i tij i lën prapa sidomos reaguesit e tij nga Kosova të cilët i vërsulen me edhe më shumë budallallëk po Bushatit qëllimisht të “nervozuar”.

Pak a shumë e kam pritur këtë debat i cili prej pranimit të Kosovës në UEFA e FIFA dhe sidomos prej fitores së Majlinda Kelmendit në Rio në një formë a tjetrën kishte filluar. Dhe tashti do të eskalojë e eskalojë deri në Kulm. E Kulme do quhen përballjet e Kombëtareve të Shqipërisë me ato të Kosovës.

S’e kam ndërmend të bëhem pjesë e tyre.

Është humbje kohe. Sepse debatin me vetveten e kam mbaruar tashmë. Para fillimit të Kampionatit Europian në Francë në Kolumnat për NZZ.