Zgjuarja e vonë si pasojë e natës së gjatë në kopshtin e Choukri.

Provoj të kthehem tek mbrëmja e kaluar dhe nuk kam si të mos jem sa falenderues për mikëpritjen e mrekullueshme… aq edhe të më vie keq që ky mik është kurd.

Sepse të jesh kurd në këtë fillimshekull dmth. të jesh si shqiptar në fillimshekullin e kaluar.  Para një shekulli shqiptarët iu dhuruan: Malit të Zi, Serbisë, Maqedonisë, Greqisë… Dhe vetëm pas një shekulli ata me mund u çliruan.

Kurse kurdët janë në shekullin e dytë të robërisë por edhe naivitetit të tyre: në Turqi, Iran, Irak, Siri…

Për këto gjëra na shkon mbrëmja së cilës s’ka si të mos i vihet pika sidomos tek “diaspora”. Tek shqiptarët e ri të cilët gjithandej në Europë e botë kanë ku të thirren (në europezimin dhe oksidentin) dhe kurdët të cilët janë në diasporë e Europë por ja që atdhetë e tyre ende s’e kanë kuptuar sa të rëndësishme janë lidhjet me diasporat e tyre.