I.

Vazhdoj t’i qëndroj mendimit që e shënoja në fundjavë se Treni nuk ishte as punë provokimi as punë Putini (e Trumpi).

Ose edhe mund të jetë.

Por shumë më tepër, tërë ky teatër ishte dhe është për zgjedhjet presidenciale në Serbi.

Për këtë më bind edhe Vesna Pešić në Peščanik.

II.

Dimër. Jo i egër dhe jo i pazakonshëm. Por për këtë si gjithmonë i çuditshëm sepse janë variacionet e ftohtësisë së ajrit që mbërthen trupin & trurin dhe e katapulton atë në ikjen permanente të kërkimit të ngrohtësisë…

Është ende herët për lodhjen prej borës, acarit… dhe ëndërrës për ditë më të ngrohta.

Si zakonisht në mes dhe sidomos të fundit, trupi & stimulojnë shqisat e imagjinatës dhe protestës kundër natyrës e cila duhet të riciklojë fronte ngrotësie…

III.

Dikush ka thënë apo shkruar: “Posa ta vëresh që je duke u rrotulluar brenda rrethit, është koha, që të dalësh nga vallja”!