Nuk kanë së rreshturi… lajmet për dy vëllezër të moshës 28 dhe 31 vjeç të “lindur” në Kosovë që u arrestuan para dy ditësh nga policia gjermane.

Kjo është e tëra.

Pos faktit që mediat gjermane ndjekin njoftimin zyrtar të Shtetit që fjala është për dy salafistë islamikë të cilët në bazë të përgjimeve që po Shteti u ka bërë dhe ka parë rrezikun që këta mund të bëjnë një sulm terrorist në CentrO të Oberhausenit në NRW.

Arrestimi dhe hetimi vjen në një çast kur tuniziani A.A. kafshërisht me kamion mësyu Tregun e Krishtlindjeve në Sheshin Breitscheid në mes të Berlinit.

Lirimi i dy vëllezërve të lindur nga Kosova është i mistershëm ashtu sikurse edhe arrestimi i tyre.

Dhe kjo… kjo u shërben publicistëve të Kosovës të nxjerrin menjëherë konkluzat e tyre: për “diasporën” e radikalizuar.

Edhe unë them që diaspora është e radikalizuar: në integrimin e saj (pothuajse) të plotë në shoqërinë gjermane, në shtetet europiane.

Shqiptarët e Kosovës por edhe Shqipërisë, Malit të Zi, Preshevës e deri diku edhe Maqedonisë janë të vetmit shqiptarë që janë edhe shqiptarë edhe europianë.

Që mes tyre ka edhe të çmendur si Arid Uka… nuk dyshoj.

Por që të thuhet për ta që po “radikalizohen” është një budallëllëk që veç në Prishtinë ia gjen sojin.

Në Prishtinë, Kryeqyetin e Shtetit i cili në vitin 2015 kishte më së shumti banorë për kokë në Luftën e Sirisë.

Apo e kanë harruar tekstin e NEW YORK TIMES?

Janë Krishtlindjet.

Është kohë për Urimesh!