Provoj të lexoj në Librin e Ditarëve të cilin s’e kam shfletuar tash pesë muaj. Shtresa e hollë e pluhurit që i ka rënë në tavolinën e punës më bën të teshtij.

Lexoj shënime të:

Friedrich Hebelit me 1 Maj të vitit 1838 në München…

Gottfried Kellerit me 1 Maj në Zürich të vitit 1848…

Edmond dhe Jules de Goncourt në Parisin e 1 Majit të vitit 1859…

Erich Mühsam në Zuchthaus Ebrach me 1 Maj të vitit 1919…

Rudi Dutschke në Lenigradin me 1 Maj të vitit 1965…

dhe

Ernst Jünger në 1 Majin e vitit 1983 në Wilflingen…

I iki këtij 1 Maji me mendimin sesi ende s’e kam gjetur ndonjë shënim nga Ditari i Ernst Jünger për dy vizitat e Helmut Kohlit dhe François Mitterandit poetit jokomunist (katolik e të djathtë) gjerman. E para në vitin 1985 dhe e dyta në vitin 1993.

Dhe i rrij mendimit të tij të shprehur në Spiegel të vitit 1982: „Nuk marr pjesë në politikë, i iki. Ura ime mes së tashmes dhe së ardhmes është meditacioni”.

Kaq edhe për këtë 1 Maj!