E premte me punë e cila s’del të jetë asnjë punë.
Vetëm pritje, pritje, pritje me Putinin dhe një analizë të gjatë e cila po të mos ishte mirë e punuar edhe do të quhej e shkëlqyeshme në Magazin-in e FAZ-it.
Tag Archives: ditar
14 Dhjetor
Ditë kur nuk sheh asgjë rreth teje. Shpejtësi lëvizjesh, ikje nga fytyrat e njerëzve, pamje përtej staturave, dëgjime monologjesh pa fund.
Një ditë- sa një vit.
Sa një jetë.
13 Dhjetor
10 Dhjetor
Heshtje dhe ecje.
Zbraztësi dhe pritje.
Mëdyshjeve u shtohen mëdyshjet.
Kujtimet mbulohen me kujtime.
Dhe në fund ngjet harresa (Pas frikës.)
9 Dhjetor
Biografia është një përmbledhje rastësish, vijimësia vjen nga ndjeshmëria ndaj rastësive. Prandaj edhe biografia ime mund të përshkruhet me një varg rastësish…
Niklas Luhmann: Short Cuts
5 Dhjetor
Dita e parë e javës është si dita të cilën e sheh qe një vit qe një jetë dhe sërish duhet ta bësh.
Kur kalon shtigjet e oborrit të shtëpisë ku jeton, kur sheh fytyrat e ngrysura të të njejtëve shitës, kalimtarë, udhëtarë…
Dhe përfundon në strofullën ku mendon që duhet të punohet.
Pyetja është: nëse punon a dmth. që edhe jeton?
4 Dhjetor
E diela e parë e edhe një Dhjetori të një viti.
Ditë dimri me shumë hapa e edhe më shumë mendime, ide, shpresa, zhgënjime, pritje…
Nëse i gëzohesh edhe një dite në ish-vendin e njëmijë e një fytyrave, njëmijë e një rrëfimeve?
Nuk ka mbetur asgjë nga njëmijë e një rrëfimet e njëmijë e një fytyrat…
As nga një!
3 Dhjetor
A. & A. e ndiejnë edhe më shumë këtë ditë.
Nëse e shohin veten e tyre apo e shohin babain e tyre në qendër të “vëmendjes” e vëmendjes?
Për një çast është e dyta.
Dhe ky, ky sërish don të kujtohet … dhe është i bindur bile se kujtohet kur ta ketë parë për herë të parë dritën e parë të kësaj jete në këtë planet të çuditshëm… plot gëzim e vuajtje…
Planeti në të cilin ky vazhdon të jetojë me këtë dritë!
Dritë me hije, dritë me dritë!
2 Dhjetor
Një ditë e cila seç më kujton diçka që duhet të jetë krejt e veçantë, krejt e parashikueshme, krejt e pritshme.
Ditë e cila kurrë nuk më kujton një ditë para një viti, një dekade, dy dekadash, tre dekadash, katër dekadash.. dhe gjysmën e fundit të tyre.
1 Dhjetor
Dita e parë e fundit të muajit është ajo dita kur kujton që po nisë diçka që i avitet mbylljes së rrethit.
Nuk don të dish asgjë- më së paku don të dish se çfarë ke parë a përjetuar para 1 viti.