Festat e fundnëntorit janë si fundi i një jete… kur për një e të vetmin çast provon të kujtosh çdo gjë që ke parë e përjetuar në fëmijëri, rini, jetë…
Pastaj pyet veten: pse?
Dhe derisa e mendon përgjigjen harron se çfarë e pyete vetveten!
Tag Archives: ditar
29 Nëntor
E merr çasti… atë që ngjet për vite të tëra!
Johann Wolfgang von Goethe
25 Nëntor
Fundjavë e filluar qysh të premten.
Ditë kur nuk ke fuqi ta mbarosh javën sepse sheh rreth teje që vrapohet, vrapohet, vrapohet.
Kush t’i ketë shpikur krejt këto ditë pune e ditë pushimi?
Kalendarin dhe kalendarët?
21 Nëntor
Disa sekonda.
Janë vetëm disa sekonda që ndihmojnë të mendohet për krejt mundimet e kota.
Dhe si rrjedhojë vuajtjet të cilat s’kanë si të mos shihen dhe para së gjithash ndjehen me një tis- o hidhërimi a tërbimi o gëzimi… për çdo gjë që ke parë dhe ndjerë: për një çast, një ditë, një jetë!
Disa sekonda.
15 Nëntor
Ditë dimri.
Dimër në trup, tru, shpirt!
Dhe në ajër.
8 Nëntor
Një ditë e gjatë… dhe natë e pafundme.
Njëherë në çdo katër vjet kur duhet thjesht të dëgjosh anglisht e shikosh anglisht. Anglishten amerikane.
Kur radhët e pafundme të dhjetëra amerikanëve mësyejnë drejt vendvotimeve për të zgjedhur të parin e tyre dhe deshëm e s’deshëm, na pëlqeu e s’na pëlqeu, të parin e botës.
Këso radhe kandidatët janë të çuditshëm: sepse fjala është për një të parë të botës të mundshme dhe një të parë edhe më të çuditshëm.
Hillary apo Donald… kjo është pyetja?!
7 Nëntor
Sa herë që Amerika kalon nëpër tërmete politike janë vetëm dy gjëra që më shkojnë në kokë:
Amerika e Franz Kafkës
dhe
Amerika… a do të jetë kjo perandoria e fundit e civilizimit perëndimor?
5 Nëntor
Dimër në ajër, dimër në shpirt, dimër në kokë, dimër në libra, dimër në lajme…
1 Nëntor
Pushimi që i thonë pushim sepse nuk është pushim.
Të jetosh në një vend ku të gjithë rreth teje punojnë kurse ti nuk punon dmth. të ndjehesh i rrethuar nga ujëra të cilat nuk e dijnë se çfarë kanë matanë…
31 Tetor
Nuk ka asgjë më të parëndësishme sesa t’u kushtohet rëndësi gjërave të cilat nuk janë të lidhura drejtpërdrejtë me jetën tënde.
Jetë e jotja dmth: ti, familja, rrethi, miqtë… e nëse nuk i ke krejt këto atëherë provo ta gjesh së paku veten tënde.
Parakushti për të parë parëndësinë e çdo gjëje që s’ka të bëjë me ty!